Hemm yw an worfen a dhegblydhynyow a ober gans treylyoryon, yn arbennik gans Keith Syed, neb a bennskrifas an treylyansow oll, ow mires orth an Ebrow, Greka ha yethow derowel erell. Yth yw gwrians a worvyn, synsys dres termyn hir, dhe wul Bibel y’gan yeth kernewek.
Govenek a’gan beus bos an versyon PDF ma dhe les dhywgh rag redyansow personel, lennansow yn oferennow hag avel fenten a Gernewek gwir, arnowydh ha da. Hwi a yll gul devnydh a hwithrans tekst, keffrys hag a’n kals a worgevrennow hag a’gas gweres ow kavos agas fordh yn es.
Hwi a yll redya an Bibel war-linen dre glyckya war an pennimaj (mara’n skoodh agas peurell), po hwi a yll y iskarga dh’agas jynn-amontya desk, barrlennell, tablet po pellgowser dre glyckya an boton war-woles. Notyewgh bos an restren bras lowr: 25MB. Ha’n restren iskargyes, removyewgh hi dhyworth agas plegell iskarga dhe by le pynag a’s mynnowgh, ha’y igeri yn sempel. Mars owgh devnydhyer nowydh, gwrewgh redya an folen Fatell Usir.
Yn Kernewek Kemmyn yma pennversyon agan Bibel, mes yth eson ni ow tisplegya ynwedh versyon kettuel y'n Furv Skrifys Savonek. Yma an diwettha hwath y’n argerdh a brofredya, ha mar merkyowgh kammgemeryansow, gesewgh ni mar pleg dhe wodhvos orth kestava@bibelkernewek.com
Iskarga an diwettha PDF 6 Du 2026 25MB