An Bibel Kernewek

PDF Tekstow hengovek Kevrennow MP3 EN

Appow

Yma dhe’n ragdres dew app heb kost rag pellgowser po tablet:

Bibel Sans

Hwithrewgh Bibel Sans y’n gwerthji app Apple iOS, po y’n Google Play Store. Proviys yw an app gans Global Bible a-barth an Kowethas Bibel. Res vydh dhywgh selya akont Global Bible. Teg yw an app, hag es dhe usya.

Hwi a yll mires orth Bibel Sans gans jynn-amontya desk po barrlennell omma.

Holy Bible

Hwithrewgh Bible App po YouVersion y’n gwerthji app Apple iOS, po y’n Google Play Store. Proviys yw an app gans YouVersion a-barth an Kowethas Bibel. Res vydh dhywgh selya akont YouVersion.

An app a re dhywgh an Bibel yn 1,843 yeth dhe’n lyha, y’ga mysk Kernewek. Pan wrewgh devnydh anodho yn kynsa, gelwys vedhowgh dhe iskarga vershyon defowt Sowsnek. Na wrewgh gorthebi dhe henna, mes yn le, klykkyewgh Bible war-woeles. A-wartha a-gledh yma dew bark: ‘book/chapter’ ha kodenn a deyr lytherenn ow tiskwedhes Bibel defowt Sowsnek. Klykkyewgh war an deyrlytherenn na, ha’n folenn ‘Bible Languages’ a iger. Yn kres an folenn, orth ‘Language’, klykkyewgh war an yeth a-lemmyn ‘English’, hag ena dewisewgh an leppik ‘All’ a-wartha. Ena jynnskrifewgh ‘Kernewek’ y’n park hwithrans. Y profir dhywgh ABK (An Bibel Kernewek). An app a wra perthi kov a’gas dewis rag esedhogow y’n termyn a dheu.

Mar synsowgh an skrin yn hworwelyek, hwi a yll mires orth an Bibel Kernewek a-gledh, hag orth py vershyon pynag, kepar ha’n Vershyon Myghtern Jamys, a-dhyghow. Hemm a yll bos pur dhe les rag dyskoryon.

Hwi a yll mires orth an app ma gans jynn-amontya desk po barrlennell omma.

 

Y’n dhew vershyon, hwi a yll goslowes orth sonskrifow a 2 Yowann hag a 3 Yowann dre glykkya war an seth a-woeles dhe’n skrin.