1, Nena a ve Jesus humbregez . . . abera tha wilderness, tha voaz temptez geen an Joule, 2, Ha pereeg e penes doganze Jorna ha dogans noze: e ve ouga nena gwage, 3, Ha an tempter theath thotha, ha lavarraz, mothosta mab Deew, lavare tha an meanow tha voas gwreeze bara, 4, Buz e gwerebaz ha lavarraz, ethyw screffez, nara dean bewah dreath bara e honnen buz gen kenefra geer eze toaze meaze meaza ganaw Deew. 5, Nena an Jowl an comeraz e man abera an cyte Venegauz, ha an zettyas e wor gwarha an eglos teeg 6, Ha lavarraz thotha mothosta maab Deew towle tha honnen doare, rag ethew screffez, Era ry tha e eelez an pohar au hanesta - et ago doola yra tha doone man leez a turn vethal chee ra browe tha Drooze bedn mean, 7, Chreest a lavarraz thotha ethew screffez arta, chee na raze dèmptya tha Arleth Deew, 8, Arta an Jowle an comeraz. eu mann wor hugez meneth euhall ha disquethaz thotha oll an gwellasketh an Beaze, han Worriance nonge, 9, Ha lavarraz thotha, oll a rimah ve vedn ry theeze mor minta poz cotha an doer ha gortha ve, 10, Ameth Jesus thotha, kethurtam Satnaz: rag thew screffez Che ra gorthy tha Arleth Deew hag eu a honnen che ra servya, 11, Nena an Jowle en garaz E; ha mero elez neve theth, ha droze thotha, 12, ¶  Leben pereg Jesus clowaz tero Jowan towlaz tha bressen, e geath tha Allale, 13, Ha garah Nazareth, e theath ha tregaz en Capurnahum lebah yw a trea vor en pow Zebalon ha Nepthaly, 14, Malga e boaz conposez ave cowsez gen Dean Deew Izias Dellma, 15, An pow Zebulon ha Pow Nepthaly reban Vor tha Mor pelha avel Jordan, Allale an Gentelles, 16, An poble erra zetha en tolgo a wellaz gullow broaze he tha rimah erra zetha én pow reb . . .Ankow, ma gollow dereves man, 17, ¶  Thurt an termen notha Jesus reeg dalla a boroga ha tha laale, greew gwel, rag ma Gulasketh Neve tha dorn, 18, ¶  Ha Jesus, gwandra reb a mor Alale wellas deaw broderath Simnen criez Peder, ha Andrew e brodar a towlah rooze en mor (rag tho an giie poscadors), 19, Ameth E thonge, suyow Vee, ha Me vedn geel thew Poscadors a Deeze 20, Ha straft an gee arass go roza, ha an suyas, 21, Ha moaze alenna e a wellaz moy deaw a broderath  Jamez mab Zebd ha Jowan e brodar en goral gen Zebde go zeerah owna go roza ha e grìas thonze, 22, Ha angye thosympyas ha garaz an goral ha go zeerah ha an suyas E. 23, ~ Ha Jesus geth oll a dró der Alale, deske et ago Eglezow . . .  an Gerryow Deew an Gulasketh, sawyah oll sorto Clevas, ha o11 pesticks mesk an boble. 24, Ha e fauge geeth der ol Syrya, ha an gy droaze thotha oll an glevyan ha rimah o comerez gen pup sort clevyas ha tormentyas ha rimeh o comerez gen an Jowloo, ha rimah o frantik, ha rinah o palgeaz ha E o sawyaz, 25, Ha ennah an suyaz E ruth veer a poble, thor Alile. ha thor Decapolez ha thur Jerusalem, ha thur Judah ha thur bararall a Jordan, An duah a an bozverah Chaptra a Matthew,
Matthew 4:1-25, translated by Wella Rowe Gwavas f102r,v, 103r

W.Rowe - Matthew 4