1. Leben poue Jesus gennez en Bethalem a Judeah en Deethyow Herod an Matern, a reeg doaze Teeze veer thor an Est tha Jerusalem, 2. Lavaral, peleah ma E yw gennez Matern an Ethewan? Râg ma gwellez gen a ni E steran en Est, ha tho ni devethez tha gorthe thotha. 3. Pereeg Herod an Matern clowaz henma, E ve troublez, ha oll Jerusalem gonz Eue. 4. Ha pereeg Ee contell oll an Cogazers ewhall ha'n screffars an bobel worbath, E a vednaz thoranze pelle ve Chreest gennez, 5. Ha an gye lavarraz tho tha, en Bethalem a Judeah: râg an dellma thewah screffez gen an Pprophet; 6. Ha Che Bethalem en Pow Judah negooz an behathna amisk Maternyow Judah rag amez a che e ra doaz Matern rag rowtya tha Pobel Ezarel. 7. Nena Herod, pereege e prevath crya an Deeze feere, e a vednyaz thoranze seer pana Termin reeg an Steare disquethaz. 8. Ha E ez devannaz tha Vethalem, ha reeg laule thonz gworeuh whellaz Seere râg an Flô younk ha perewe why e gavaz, dro Geere tha Ve arta, mala Ve moaze ha gortha thotha a weeth. 9. Perêg an Gye clowaz an Matern y eath Caar, ha an Stearan a reeg an Gye gwellhaz en East geeth devactanze nerege hi doaze ha zavaz derez leba era an Flô yonk. 10. Perêg an Gye gwellaz an Steran, thonge loan gen meare a Loander, 11. Ha potho an Gye devethez en Choy y a wellaz an Flô yonk gen Mareea e Thama, ha an Gye a cothaz en Doar, ha gorthaz tha eue; ha perêg an Gye gerego Throzor y a rooz tho tha Aur ha Frokensence ha Ere. 12. Ha an Gye ve gwarnez gen Deew ha an Gye a cuskah neresa an Gye doaz ogaz tha Herod, ha an Gye eath carr tha Pow go honnen, Vor aral. 13. Ha potho an Gye gellez carr, Mero, Elez Neeve a desquethaz ha Joseph a ve hendrez an Delma, saue a {savea} man ha kebar an Flô yonk ha e Thama ha ke tha Egyp, ha bothes enna, Terebah Ve dry thez Geere; Rag Herod vedn whelaz an Flô rag e latha. 14. Perêg e saval, e comeraz an Flô yonk ha e Thama, en Noaze, ha geeth tha Egyp: 15. Ha E ve enna terebah Mernaz Herod; malga boaz composez a ve cowsez gen Arleth neue der an Prophet, o laule a veza Egyp me vedn crya a Mâb. 16. Nena Herod perêg E gwellaz fatal o geaze gwreaze anotha gen an Teze feere, yw engrez; ha thavanaz mehaz, ha lathaz oll an Flehaz a era en Bethalem, ha oll an dro, en dadn Deaw a Vloth {l. f . Bleth or Blethan}coth, a tho an Termen a reeg e gofen thur an Teez feere. 17. Nena a ve composez a ve cowsez gen Jerman an Prophet, lawle, 18. En Rama a ve clowez olva, whola ha garma, Rachal wholo rag e Flehaz ha na venga hye boaze comfortyes, rag tho angye latha {lethez}. 19., Potho Herod maraw, mero Elez Neue theath tha Joseph en cusca en Egyp, 20. Laule, kebar an Flô yonk ha e Thama, ha ke tha Pow an Ethewan; rag ma Herod maraw, eva whellaz Bownaz an Flô yonk.                    Desunt cetera

Matthew 2:1-20, translated by Wella Rowe

Gwavas ff 104r-105v

W.Rowe - Matthew 2